韋斯利法蘭卡離場後不禁落淚。
巴西周日(7日)早上熱身賽以2比1擊敗埃及，右後衞韋斯利法蘭卡踢咗17分鐘受傷退下火線，離場後不禁落淚，似乎情況唔多樂觀，領隊安察洛堤暗示，準備隨時補選球員代替佢。
現年22歲嘅韋斯利法蘭卡可以勝任左右二閘，助攻力強，今季為羅馬上陣39場入5球及2次助攻，加上巴西殿堂級右後衞卡富曾效力羅馬多年，韋斯利法蘭卡因而有「新卡富」之稱，已奠定巴西正選右閘位置。
韋斯利法蘭卡今場受傷後，要用34歲老將丹尼路雷斯入替佢，令人擔心「森巴兵團」右路防守人腳有隱憂。安察洛堤表示，需要等待韋斯利法蘭卡傷勢檢查報告，再決定佢是否能夠繼續參加世界盃，並強調有合適人選代替佢。
巴西現時已有前鋒尼馬養傷，一旦韋斯利法蘭卡因傷退隊，最大機會補選華斯高右閘保羅軒歷基，國際米蘭防線「全能戰士」卡路士奧古士圖亦係人選之一。
閃擊世盃2026，有齊球星資料，砌出你心目中最佳11人：
https://campaign.hkjc.com/f2p-wc2026/zh-HK/index.html